Батырхан Шүкенов ескерткішінің эскиздері пайда болды
Нұр-Сұлтанда әнші Батырхан Шүкенов ескерткішінің алғашқы эскиздері пайда болды, - деп хабарлайды Tengrinews.kz тілшісі елорда әкімдігінің баспасөз қызметіне сілтеме жасап.
Нұр-Сұлтан әкімдігі Батырхан Шүкенов ескерткішінің ең үздік эскиз-идеясына байқау жариялаған, ол мамыр соңына дейін жалғасады. Ескерткіштің алғашқы эскиздері пайда болды, онда композитор әртүрлі нұсқада, оның ішінде сүйікті аспабы - саксофонмен бейнеленген.
Талантты әнші және композитор Батырхан Шүкенов ескерткіші қалалық саябаққа орнатылады деп жоспарланып отыр. Жоба демеушілер қаражатына жасалады.
Айта кетейік, бүгін, 18 мамыр - композитордың туған күні. Ол 59 жасқа толар еді. Әнші 2015 жылы 28 сәуірде Мәскеуде қайтыс болған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!