Ավանում կատարված կողոպուտը հաղորդման օրը բացահայտվեց․ գողոնը հայտնաբերվել է
Մայիսի 14-ին ոստիկանության Ավանի բաժանմունքում մի աղջիկ հաղորդում էր տվել, որ մայիսի 13-ին Սայաթ-Նովա թաղամասի շենքերից մեկում մի երիտասարդ իր ձեռքից բացահայտ հափշտակել է բջջային հեռախոսը և փախել:
Ոստիկանության Ավանի բաժանմունքի քրեական հետախույզների օպերատիվ գործողությունների շնորհիվ կարճ ժամանակում պարզվեց կողոպուտը կատարած անձի ինքնությունը: Նույն օրը նա Հասրաթյան փողոցից, կողոպուտ կատարելու կասկածանքով, բերման ենթարկվեց ոստիկանություն և տվեց խոստովանական բացատրություն։ Հեռախոսն առգրավվել է: Կատարվում է քննություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
The post Ավանում կատարված կողոպուտը հաղորդման օրը բացահայտվեց․ գողոնը հայտնաբերվել է appeared first on ԳԱԼԱ.