افغانستان: تیرکال سعودي ته صادرات دوه برابره زیات شوي
د سفارت د خبرپاڼې له مخې د سعودي رسمي شمېرې ښيي چې ۲۰۱۹ میلادي کال کې سعودي ته د افغانستان د صادراتو ارزښت څه باندې ۱۳ میلیونه ډالره وو.
د خبرپاڼې له مخې ۲۰۲۰ میلادي کال کې له کرونا وبا سره-سره د صادراتو ارزښت څه باندې ۲۸ نیم میلیونه ډالرو ته لوړ شو.
سعودي عربستان ته د افغانستان صادرات تر ډېره زعفران، وچه مېوه او قالینې دي چې د دواړو هېوادونو ترمنځ د هوایي دهلیز له لارې لېږدول شوي دي.
په ریاض کې د افغانستان سفارت اټکل کوي چې روان ۲۰۲۱ میلادي کال کې به دغه هېواد ته د صادراتو ارزښت څه باندې ۴۲ میلیونه ډالره وي.