ოკუპირებულ აფხაზეთს გერმანიის საელჩომ 46 000 ევროს ღირებულების სამედიცინო დახმარება გადასცა
საელჩოს ცნობით, დახმარებაში შედის გენერატორები, ჟანგბადის კონცენტრატორები, ულტრაიისფერი ნათურები, პულსოქსიმეტრები, სწრაფი ტესტები, დამცავი ნიღბები და სადეზინფექციო საშუალებები.
რუსეთის მიერ ოკუპირებული აფხაზეთის კორონავირუსისგან დაცვის ოპერატიული შტაბის თანახმად, 17 მაისის მონაცემებით, გუდაუთის ცენტრალურ საავადმყოფოში განთავსებული 56 პაციენტიდან კორონავირუსი დადასტურებული აქვს 44-ს, ხოლო სოხუმის საავადმყოფოში კორონავირუსისგან ინფიცირებული 28 პაციენტი მკურნალობს, 17 ინფიცირებულია განთავსებული ოჩამჩირის საავადმყოფოში, 18 გაგრაში, ხოლო -7 ტყვარჩელში.
არსებული ინფორმაციით, 17 მაისის მონაცემებით, ოკუპირებულ აფხაზეთში კორონავირუსი სულ 15 051 ადამიანს დაუდასტურდა, გარდაიცვალა 226, გამოჯანმრთელდა 14031 ინფიცირებული.