3281 անօդաչու. Շանհայում ցուցադրված լուսային շոուն հայտնվել է Գինեսի ռեկորդների գրքում (լուսանկարներ, տեսանյութ)
Շքեղ ավտոմեքենաներ արտադրող հարավկորեական Genesis ընկերության՝ (Hyundai Motor Group-ի դուստր ընկերությունն է) Չինաստանում 3281 անօդաչու թռչող սարքերի օգնությամբ կազմակերպած լուսային շոուն Գինեսի համաշխարհային ռեկորդ է սահմանել։
Շանհայում Genesis-ի լուսային շոուի ժամանակ, որը նվիրված է եղել Genesis G80 ավտոմեքենայի թողարկմանը, անօդաչու թռչող սարքերի օգնությամբ գիշերային երկնքում լուսավորվել են մի շարք 3D պատկերներ, այդ թվում՝ Genesis G80 և GV80 ավտոմեքենաների պատկերները:
Հուանպու գետի վրա ջրային շոու ցուցադրելու համար անօդաչուները թռչել են գետի տարբեր հատվածներից։
Նշվում է, որ 3281 անօդաչուներով լուսային շոուն գերազանցել է Գինեսի ռեկորդներ գրքում հայտնված նախորդ ռեկորդը, որի ժամանակ օգտագործվել է 3051 անօդաչու թռչող սարք։