Бајден: САД до крајот на јуни ќе поделат 80 милиони вакцини на други земји

Американскиот претседател Џо Бајден изјави дека во наредните неколку недели 20 милиони дози на вакцини против коронавирусот ќе бидат испратени во други земји.


„САД ќе поделат дополнителни 20 милиони вакцини“, рече Бајден и додаде дека со тоа, земјата до крајот на јуни ќе подели вкупно 80 милиони вакцини.



СЗО ги повика богатите земји наместо да вакцинираат деца, да ги донираат вакцините


Според него, ќе бидат поделени вакцини од производителите Модерна, Фајзер и Џонсон и Џонсон.


Во врска со ситуацијата во САД, Бајден соопшти дека 60 насто возрасни Американци досега примиле барем една доза вакцина, но истакна дека борбата против коронавирусот не е завршена.