ОФК Кубогида "Насаф" ажойиб ўйинлар намойиш этиб, мухлисларга ғалабалар тақдим этмоқда. Қаршиликлар гуруҳдаги икки учрашувда 6 очко билан турнир жадвалида пешқадамлик қилмоқда. Эътиборлиси, Рўзиқул Бердиев шогирдлари ўтказилган беллашувларда 7 бор гол уриб, ўз дарвозаси даҳлсизлигини сақлаб қолди. ПФЛ бош директори вазифасини бажарувчи Дирё Имомхўжаев телеграмдаги саҳифасида халқаро майдондаги ўйинлари билан кўпчиликни мамнун этаётган "Насаф" борасида фикр билдирди. - Рўзиқул Бердиев ҳеч ким танимайдиган мактаб ўқувчиларидан ҳар қандай рақибга тик қарайдиган битта жамоа ясай олади. "Насаф" "Аякс"нинг биздаги соясига ўхшайди. Шунинг учун ҳам баъзида унинг кичик муваффақиятлари бошқа клубнинг катта ғалабасидан файзлироқ кўринади, - деди Диёр Имомхўжаев.
