Sağ qalğanlarnıñ hatırlavları. Qırımtatarlar sürgünlik aqqında tarif ete (video)

1944 senesi mayısnıñ 18-nde qırımtatarlarnı yarımadadan sürgün etip başladılar. Birinci eşelon Orta Asiyağa yol aldı. İnsanlarnı yük vagonlarına yüklep alıp ketkenler. Eki künde tahminen 200 biñ insan sürgün etildi. Farqlı malümatlarğa köre, sürgünlik neticesinde halqnıñ dörtte birinden yarısına qadar can berdi. Yıllar soñra qırımtatarlar vatanına qaytıp oldı. Ukraina Yuqarı Radasınıñ qararına köre, mayısnıñ 18-i Qırımtatar halqı genotsidiniñ qurbanlarını añma künü olaraq ilân etildi. Sürgünlikni körgenler Qırım.Aqiqatqa bu facia aqqında tarif ete. (Video ilk sefer 2019 senesi mayısnıñ 18-nde derc etilgen edi)