Ukraina ve Büyük Britaniya beraberlikte gemiler ve bazar qurmağa añlaştılar

İyünniñ 21-nde, bazarertesi künü, Odesada Büyük Britaniya Arbiy-deñiz flotunıñ HMS Defender raketa eskadron mina taşıyıcısında Ukraina Mudafaa naziriniñ muavini Alekesandr Mironük ve Büyük Britaniya Mudafaa satın almalar meseleleri naziri Ceremi Kvin Birleşken Qırıllıq ve Ukraina ADQ arasında deñiz işbirligi leyhası aqqında memorandum imzaladılar. ​


Bunı Ukraina Mudafaa nazirligi haber etti, dep bildire Azatlıq Radiosı. 


«Memorandum Ukraina ve Büyük Britaniyada beraberlikte arbiy gemilerniñ azırlanması ve qurulmasını, eki ukrain gemi qurucılıq işhaneniñ tamir etilmesini ve Ukraina ADQ içün eki baza qurulmasını közde tuta», – dep yazıla bildirmede. 


İyünniñ 18-nde Odesa limanına eki NATO gemisi kirdi. Büyük Britaniya ADQ-niñ «Defender» eskadron mina taşıyıcısı (HMS Defender, D36) ve Felemenk ADQ-niñ «Evertsen» Ava mudafaası fregatı (HNLMS Evertsen, ili Zr.Ms. Evertsen, F805).