Чаму не будзе параду 3 ліпеня?

Чаму не будзе параду 3 ліпеня? Журналісты заўважылі, што ў ТБ-праграме на гэты дзень не запланавана адпаведнай трансляцыі.

— Упершыню з 1999 года ў Беларусі не будзе параду. Ні на Дзень Перамогі, ні на Дзень Незалежнасці 3 ліпеня, — піша Валерый Карбалевіч у сваім тэлеграм-канале. — Мінулым годам насуперак усяму свету, які бараніўся ад ковіду, парад дэманстратыўна правялі. А цяпер не. Чаму? Мая версія палягае ў тым, што так званыя “змоўшчыкі” (Аляксандр Фядута, Юрась Зянковіч, Рыгор Костусеў) падчас сваіх анлайн-перамоў ускосна ўзгадвалі гэтую тэму. У прыватнасці, Фядута казаў пра лёс прэзідэнта Егіпта Анвара Садата, якого забілі падчас параду ў 1981 годзе… А Лукашэнка — вялізны перастрахоўшчык. Нікому не давярае.

Беларускае Радыё Рацыя