Фото: Getty Images Apple корпорацияси iPhone 12 mini моделига нисбатан талаб камлиги боис ушбу смартфонни ишлаб чиқаришни тўхтатди. Бу ҳақда TrendForce маркетинг компаниясига таяниб, Esquire хабар берди. Маълумотларга кўра, iPhone 12 mini’ни 2021 йилнинг иккинчи чорагидан бошлаб ишлаб чиқариш тўхтатилган. Бу ушбу смартфонлар савдоси сериядаги бошқа моделлар — iPhone 12, iPhone 12 Pro ва 12 Pro Max’дан сезиларли даражада камлиги боис амалга оширилган. Март ойида ОАВларда Apple биринчи ярим йилликда iPhone 12 mini’ни ишлаб чиқаришни 70 фоизга қисқартириши тўғрисида хабарлар тарқалганди. TrendForce’нинг тахминларига кўра, 2021 йилнинг кузида Apple компанияси iPhone 12S номи остида янги қурилмалар сериясини тақдим этиши мумкин. У А15 процессори, 5G алоқа тармоғи ва барча камераларида 6P объективларига эга бўлади. Компания iPhone 12S’нинг учта моделини тақдим этиши кутилмоқда — уларнинг ҳеч бири mini эмас.
