ИЈЗ доби нова лабораторија која ќе биде регионален центар за тестирање
Според нив, со новата лабораторија земјава ќе стане целосно подготвена да менаџира „каква било криза“ која во иднина евентуално може да се појави во Северна Македонија и во регионот.
Исто така беше речено дека експертите од лабораторијата во земјава ќе ги обучуваат експертите од БиХ, Албанија и Косово.
Опремата е вредна над 570 илјади американски долари и е донација од САД. Министерот за здравство Венко Филипче рече дека заедно со амбасадорката на САД во Скопје Кејт Брнз го означуваат почетокот на работата на лабораторијата за микробиологија во рамки на Институтот за јавно здравје.
„Тоа е надградба која е единствена во регионот и има „Biosafety level 3“ што значи дека се на соодветен начин акредитрани да детектираат секаков тип патогени предизвикувачи на каква било болест. Тоа значи дека сме целосно подготвени да менаџираме каква било криза што во иднина евентуално може во смисла на нов бран да не снајде не само нас, туку и целиот регион“, изјави Филипче.
Македонските граѓани тргнати од германската „црвена листа“
Американската амбасадорка Брнз изјави дека проектот кој е донација на САД е започнат во 2018 година пред да се знае дека ќе се појави ковид пандемијата и претставува неопходна инвестиција во здрaвствената безбедност на „нашите партнери.
„Иако малку знаевме за тоа колку важна улога за време на пандемијата ќе има оваа лабораторија во тестирањето и прибирањето на податоци кои потоа беа користени за информирање на јавноста во криричниот период, многу сме задоволни што и покрај многу малото доцнење бевме во можност дури и за време на пандемијата да работиме на реновирањето и проектот успешно да го завршиме минатата недела“, изјави Брнс, пренесува МИА.
Директорот на Институтот за јавно здравје Шабан Мемети изјави дека со оваа донација ги издигнуваат микробиолошките капацитети и дека ќе се работи на нешто што досега не било правено во државата.