Davis Cup. Թենիսի Հայաստանի հավաքականը հաղթեց Ադրբեջանին
Թենիսի Հայաստանի հավաքականը Հս. Մակեդոնիայի մայրաքաղաք Սկոպիեում ընթացող Davis Cup-ի 4-րդ ենթախմբում մրցեց Ադրբեջանի ընտրանու հետ։
Մենախաղում առաջին խաղում Սեդրակ Խաչատրյանը երկու սեթում 6-3, 6-0 հաշվով առավելության հասավ Էլվին Հաշիմովի նկատմամբ։ Մյուս խաղում Միքայել Ավետիսյանը 2 սեթում զիջեց Տամերլան Ազիզովին։
Զուգախաղում Սեդրակ Խաչատրյան/Հենրիկ Նիկողոսյան զույգը առավելության հասավ Հաշիմով/Ազիզով զույգի նկատմամբ։ Հայաստանի հավաքականը հաղթեց 2-1 հաշվով։
Հայաստանի հավաքականն առաջին տուրում 2-1 հաշվով հաղթել էր Ալբանիայի ընտրանուն։ Մյուս տուրում մեր մրցակիցը Մոնտենեգրոն է։