Նազարբաևը կորոնավիրուսի դեմ պատվաստվել է «Սպուտնիկ V»-ով
Ղազախստանի նախկին նախագահ Նուրսուլթան Նազարբաևը կորոնավիրուսի դեմ պատվաստվել է ռուսական Sputnik V դեղամիջոցով: Ինչպես նշում է РБК-ն, այս մասին հայտնում է Նազարբաևի մամուլի ծառայությունը:
Նախկին նախագահը ստացել է երկբաղադրիչ պատվաստանյութի առաջին դեղաչափը: Դրանից հետո նա դիմել է համերկրացիներին` կոչ անելով ակտիվ պատվաստվել:
«Ներկայում Ղազախստանում պատվաստվել է շուրջ 3 միլիոն մարդ: Այսօր ես նույնպես ստացել եմ կորոնավիրուսի դեմ պատվաստանյութ: Ես բոլոր ղազախստանցիներին կոչ եմ անում ակտիվորեն շարունակել պատվաստվել և դրանից չվախենալ», - ասել է Նազարբաևը: