Instagram фойдаланувчилари учун янги функция тақдим этади
Instagram ижтимоий тармоғи ишлаб чиқувчилари фойдаланувчиларга компьютердан фотосуратларни юклаш имкониятини берадиган хусусиятни синовдан ўтказмоқда. Бу ҳақда “Bloomberg” Facebook вакили Кристин Пайга асосланиб хабар берган.
“Биз биламизки, кўп одамлар Instagram’дан компьютер орқали фойдаланади. Уларга янада қулайлик яратиш учун биз постларни браузер орқали қўйиш имкониятини синовдан ўтказмоқдамиз”, деган компания вакили.
Таъкидланишича, постларни компьютер орқали қўйишда схема ўзгармайди: фотосурат юкланади, агар керак бўлса, таҳрирланади ва фильтр қўлланилади.