Коронавирус йоктырырга мөмкин булган иң куркыныч урын билгеле

(Казан, 25 июнь, «Татар-информ»). Коронавирус йоктырырга мөмкин булган иң куркыныч урын - ул җәмәгать транспорты. Бу хакта Мәскәүнең элеккеге баш санитар табибы Николай Малышев белдерде. Аның сүзләренчә, «ковид» белән зарарлану өчен кешегә битлексез автобуска керү дә җитә. «Күпләрнең битлекләре муенына тагылган яки иягендә. Шул ук вакытта транспортта халык бер-берсенә бик якын тора», — дип аңлатты Малышев. Бу хакта «Труд» хәбәр итә. Бөтендөнья сәламәтлек саклау оешмасының баш фәнни хезмәткәре Сумья Сваминатан, «дельта плюс» дип аталучы Һинд вирусы штаммы, Уханьда эпидемия китереп чыгарган вируска караганда, ике тапкырга тизрәк йога. Коронавирусның яңа штаммы Б.1. 617 — Һиндстанда быел март ахырында табылган. Һиндстан хакимияте аның артык зарарлы булуы белән аерылып торуын белдергән. Июнь аенда галимнәр әлеге штаммның тагын бер кат мутацияләнүен ачыклаган һәм ул «дельта плюс» (Б.1.617.2.1) дигән исем алган.