(Казан, 25 июнь, «Татар-информ»). Узган тәүлектә Татарстанда коронавирусның 35 очрагы теркәлгән. Барлык пациентлар да вирусны аралашу юлы белән йоктырган. «12 кеше - хастаханәдә, 23 кеше өйдә дәвалана», — диделәр республиканың Сәламәтлек саклау министрлыгында. Казанда - 20, Чаллыда - 9, Актаныш районында ике очрак ачыкланган. Алексеевск, Югары Ослан, Лаеш һәм Мөслим районнарында берешәр кеше авырган. 25 июньгә булган мәгълүматларга караганда, Татарстанда ковид йоктыру очраклары 22 250гә җитте. 20 011 кеше терелгән, шул исәптән 131 кеше узган тәүлектә дәваланып беткән. Татарстанда яшәүче 490 877 кеше прививка ясаткан, алар арасыннан 360 935 кеше икенче прививка да алган.
