Талас ауданының әкімі марафоншы Жақсылық Мамырбекұлын қабылдады
Талас ауданының әкімі Қанатбек Мәдібек марафоншы Жақсылық Мамырбекұлын қабылдап, алғыс хатпен марапаттады, — деп хабарлайды “ZhambylNews” ақпарат агенттігі.
Еңбек жолын Қаратау қаласында ХХІІ партсъезд орта мектебінен бастаған марафоншы әр жылдары жаттықтырушы, дене шынықтыру пәнінің мұғалімі, тепловоз машинист қызметтерін атқарған.
Жүгіру жолын 2017 жылы 12000 адам қатысқан «Алматы халықаралық марафонынан» бастап, дәл осы жылы 21000 адам қатысқан «ЭКСПО-2017» марафонына, 2018 жылы 63 мемлекеттен 7000 адам қатысқан Атырау халықаралық марафонына, 2019 жылы Санкт-Петербург қаласындағы 82 елден 23 мыңнан астам адам қатысқан «Ақ түндер» марафонына қатысып, 67 орынды иеленген.
Сондай-ақ, биыл «Ыстықкөл» марафонында 42 км 195 м қашықтықты 4 сағат 7 минутта бағындырып, 35 мемлекеттің арасынан 1-ші орынды иеленді.
Желаяқтығымен көзге түскен Жақсылық Мамырбекұлына аудан әкімі велосипед тарту етті.
Айта кетейік, спортшы алдағы уақытта шілде айында өтетін «Алтай» марафонына қатысуға ниет білдіріп отыр.
Сообщение Талас ауданының әкімі марафоншы Жақсылық Мамырбекұлын қабылдады появились сначала на ZhambylNews АҚПАРАТ АГЕНТТІГІ.