Հրապարակային հնչող դիրքորոշումներն այսբերգի երևացող կողմն են, Բրյուսելում կոմպրոմիսային լուծման հնարավորություն տեսա․ Նիկոլ Փաշինյանը՝ ճանապարհների ապաշրջափակման մասին
Բրուսելյան հանդիպումից առաջ իմ ֆեյսբուքյան էջում արդեն գծանշել էի հայկական կողմի կարմիր գծերը, որի իմաստ հետևյալն էր՝ միաջնցքային որևէ տրամաբանություն մենք չենք ընդունում, այն, ինչ երկաթուղու հետ կապված մենք պայմանավորվեցինք Բրյուսելում, Սոչիում տեղի ունեցած խոսակցության ամփոփումն էր։ Այս մասին հայտարեց վարչապետ Նիկոլ Փաշինյանը՝առցանց մամուլի ասուլիսի ժամանակ՝ պատասխանելով Բրուսելում Ադրբեջանի նախագահի հետ ձեռքբերված պայմանավորվածությանը՝ Երասխ-Ջուլֆա-Օրդուբադ-Մեղրի-Հորադիզ երկաթուղու գործարկման վերաբերյալ։
«Այդտեղ պայմանավորվածությունը հետևյալն էր երկու կողմերից կգործի լիարժեք մաքսային, սահմանային հսկողութուն, որը մեզ համար ընդունելի է, Ադրբեջանի համար ընդունելի է և մենք պայմանավորվեցինք գործարակել երկաթուղու շինարարությունը»,-ասաց նա։
Ինչ վերաբերում է հարցին, թե ինչու պայմանավորվածութուն այդպես էլ ձեռ չի բերվում ավտոճանապարհների ապաշրջափակման համար, Նիկոլ Փաշինյանն ասաց․ «Ավտոճանապարհների հետ կապված մեր սկզբունքային դիրքորոշումը մնացել է նույնը։ Բրյուսելում ես և Ադրբեջանի նախագահը փորձեցինք մտնել մանրամասների մեջ, փորձեցինք հասկանալ՝ ինչն է պատճառը, որ մենք ահա այսպիսի դիրքորշումներ ունենք, որովհետև հրապարակային հնչող դիրքորոշումները դրանք այսբերգի երևացող կողմն են, կան պատճառներ և խնդիրներ, որոնց պատճառով մենք այս կամ այն դիրքորշումն ենք արտահայտում։ Մանրամասների քննարկման ժամանակ այդտեղ էլ տեսա հնարավորություն, որ մենք կարող ենք գալ որոշակի լուծումների։ Թե՛ մեր դիրքորշումները, թե՛ Ադրբեջանի առաջ քաշած զուտ գործնական խնդիրները կարող են իրականում լուծում ստանալ»,-ասաց նա՝ շեշտելով, որ այս մասով դեռևս պայմանավորվածություն չկա։
«Այդ հանդիպումից հետո ես որոշակի հնարավորություններ տեսա, հնարավորությունները մենք պետք է փորձենք օգտագործել, որպեսզի այս հարցում իրական կոմպրոմիսային լուծում գտնենք, որը չի հատում մեր այն կարմիր գծերը, որոնց մասին ես արդեն ասել եմ »,-եզրափակեց նա։