Яшь зәйлеләр китапханәне үз итә

Зәй үзәк балалар китапханәсе хезмәткәрләре шәһәр мәктәпләрендә беренче сыйныфта укучылар өчен “Исәнме, китап йорты” дип исемләнгән танып-белү чарасы оештырды. Малай-кызлар өчен биредә бүлекләр буйлап һәм мини-музейга экскурсия оештырылды, аларга китаплар бирелде, китап турында әдәби чара уздырылды. Анда китапка мәдхия укылды, аны сак тоту, ярату кирәклеге бәян ителде. Яшь зәйлеләр китапханәне үз итте, тагын килергә вәгъдә бирде.