Айрат Хәйруллин Әлмәт өчен Президенттан өстәмә 70 млн сум акча сорап алган
Әлмәттә юлларга ремонт ясау дәвам итә.
Бүген Мәрҗани урамында юл төзелеше хезмәткәрләре чокырлы-чакырлы урыннарны ямау эшенә кереште. Мәгълүм ки, быел шәһәрдә юлларга масштаблы ремонт ясала. Ишегалларында да эшләр гөрли. Район башкарма комитеты җитәкчесе Айрат Хәйруллинның Татарстан Президентына мөрәҗәгать итүе нәтиҗәсендә быел Әлмәткә өстәмә рәвештә юллар ремонтлау өчен 70 миллион сум акча бүлеп бирелгән. Әлеге сумма алдан бүлеп бирелгән 50 миллион сумга өстәлеп, шәһәрдә бу юнәлештә зур төзелеш алып барырга мөмкинлек булган.