Анонс: 18 студзеня «Госць Рацыі» – Аляксандр Фрыдман

Падчас нарады ў панядзелак Лукашэнка зрабіў шэраг гучных заяў пра тое, што Польшча і краіны Прыбалтыкі засяродзілі ля беларускай мяжы дзясяткі тысяч вайскоўцаў. Акрамя гэтага нібыта і з боку Украіны для Беларусі ўзнікла пагроза з-за засяроджвання вайскоўцаў. Прынамсі Служба бяспекі Украіны назвала такія заявы маніпуляцыяй і часткай інфармацыйнай вайны.

Наша карэспандэнтка Вольга Сямашка паразмаўляла з «Госцем Рацыі» – гісторыкам і палітычным аналітыкам Аляксандрам Фрыдманам пра тое, чые ваенныя планы агучвае Лукашэнка, чаму Расеі патрэбная “суверэнная” Беларусь, хаця б на паперы, і чым характэрны новапрыняты Закон “Аб генацыдзе беларускага народу”.

Перадачу «Госць Рацыі» з удзелам  гісторыка і палітычнага аналітыка Аляксандра Фрыдмана, слухайце ў аўторак, 18-га студзеня на хвалях «Беларускага Радыё Рацыя». Пачатак у 09.10 па беларускім часе, у Польшчы – а 7.10 адпаведна.

Беларускае Радыё Рацыя