Azatlyk Radiosynyň Lebapdaky habarçysy 17-nji ýanwarda Farap etrabynyň “Asuda”, “Magtymguly” we “Farak” posýoloklarynda hususy melleklerde ýerleşýän käbir ýyladyşhanalaryň gaz üpjünçiliginiň bes edilendigini habar berýär. Onuň maglumatlaryna görä, gaz üpjünçiliginiň bes edilmegi 0,3 gektardan 1,5 gektara çenli meýdany tutýan hususy mellek ýerlerindäki ýyladyşhanalary öz içine alýar.
