Хезмәт хакын вакытында түләргә икәнен кайберәүләр онытып җибәрә
“Заинскагрохим” ҖЧШ директорына хезмәт хакын тоткарлау буенча прокуратура тәкъдиме белән җинаять эше кузгатылды.
Тикшерүләр вакытында ширкәт директоры тарафыннан РФ Хезмәт кодексы таләпләре үтәлмәве, гражданнарның хезмәткә хокуклары сакланмавы ачыкланды. Директор эшләгән өчен хезмәткәрләренә хезмәт хакын вакытында түләми. Өч айдан артык хезмәт хакын тоткарлау нәтиҗәсендә җыелган бурыч 1639607 сум тәшкил итә. Бу - утыз өч кешенең өч айлык хезмәт хакы. Эш алга таба карау өчен Тикшерү комитетына юлланды.