Вкупно 22 починати од ковид и 718 новозаразени

Во последните 24 часа регистрирани се 718 нови случаи на ковид-19 од направени 3.044 тестови, соопшти Министерството за здравство. Од вкупниот број на позитивни регистрирани се 95 реинфекции.

Во текот на изминатите 24 часа, регистрирани се 14 починати лица на возраст од 58 до 90 години, сите починати во болнички услови. Дополнително од Регистарот на умрени со дијагноза ковид-19 од Мој Термин, пријавени се осум починати лица на возраст од 54 до 80 години. Од пријавените лица три се починати во домашни услови, а пет лица во болнички услови.

Од вкупниот број на починати лица, девет лица се целосно вакцинирани, а кај 18 се регистрирани коморбидитети.

Најголем дел од новозаразените случаи се во Скопје – 505, потоа следат Битола – 30, Куманово – 29, Прилеп – 26, Кавадарци – 23, Гевгелија – 14, Велес – 10, Гостивар и Струмица – по 8, Тетово – 7, Штип, Кичево и Делчево – по 6, Неготино и Ресен – по 5, Струга, Богданци и Демир Хисар – по 4, Свети Николе и Радовиш – по 3, Охрид, Крива Паланка и Дебар – по 2, Кочани, Валандово, Пробиштип, Кратово, Крушево и Македонска Каменица – по 1.

СЗО: Омикрон е веројатно крајот на пандемијата во Европа

Регистрирани сe 1.244 оздравени пациенти.

Вкупната бројка на ковид-дијагностицирани лица во земјата од почетокот на епидемијата изнесува 256.996, бројот на оздравени пациенти е 228.736, на починати е 8.240, а бројот на активни случаи изнесува 20.020.