Түбән Камада яңа пульмонология бүлеге мөдире билгеләнгән
Түбән Кама район үзәк күптармаклы хастаханәнең яңа пульмонология бүлеге мөдире итеп табиб-пульмонолог Эльвина Абызова билгеләнгән. Бу хакта Түбән Кама Үзәк район хастаханәсенең матбугат хезмәтенә сылтама белән «Туган як» сайты хәбәр итә.
Эльвина Абызова район үзәк хастаханәсендә 10 ел эшли. 2011 елда ул Казан дәүләт медицина университетын тәмамлаган. 2012 елда 1нче поликлиникада участок терапевты булып эшли башлаган. 2014 елда терапия бүлегенә күчкән. 2015 елда пульмонолог сертификаты алган.