Үндістанда екі басты жылан видеоға түсірілді
YouTube-те Jam Press-арнасында екі басты жыланның видеосы жарияланды, - деп хабарлайды Tengrinews.kz тілшісі.
Деоли ауылындағы Баладжи ғибадатханасының маңынан ұзындығы шамамен 18 сантиметр болатын ерекше жылан табылған.
Жабайы табиғат мамандары оған шамамен алты ай болғанын айтқан. Жыланның бұл түрі ауданда алғаш рет анықталған.
Қазір екі басты жыланға жергілікті табиғатты қорғау мекемесінде күтім жасалып жатыр. Мұндай ауытқуы бар жыландар ұзақ өмір сүрмейтіні айтылды. Екі бас тамақ үшін таласады, өйткені олар бәрі бір асқорыту жүйесіне түсетінін түсінбейді. Әдетте, бір бас екіншісіне қарағанда дамыған болады.
Телеарна мәліметінше, кейінгі жылдары елде екі басты жыландар бірнеше рет ғана табылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!