15 ИЮЛЬ ВОҚЕАЛАРИ – ТУРК ХАЛҚИ ИРОДАСИНИНГ ЁРҚИН ИФОДАСИ (ФОТО)

Кеча – 15 июль куни, Туркия  Республикасининг Ўзбекистондаги элчихонасида 15 июль– Демократия ва миллий бирлик куни муносабати билан ватан ҳимояси йўлида жон фидо этган шаҳидларни хотирлаш маросими бўлиб ўтди.

Туркияда давлат тўнтаришига уриниш рўй берган кундан 6 йил ўтди. 2016 йилнинг 15 июлида мамлакатда ҳарбийлар давлат тўнтариши уюштирмоқчи бўлган, лекин халқ ҳукуматни ҳимоя қилиб чиққач, уриниш барбод бўлганди.

Ҳар йили  Туркия бўйлаб мамлакат тарихидаги бу қора кунда қурбон бўлганлар хотирланади.

Маълумот ўрнида, 2016 йилнинг 15 июль куни кечқурун Туркияда ҳарбийлар иштирокида давлат тўнтариши амалга оширишга бўлган ҳаракатлар бошланганди.

Исён 16 июлга ўтар кечаси туни билан давом этган, аммо тонгда Анқара исён бостирилгани ҳақида эълон қилган. Ушбу исён FETO томонидан режалаштирилиб, қуролли кучларнинг буйруққа бўйсуниш занжиридан ташқарига чиқиш орқали шу тузилманинг Туркия армияси ичига сиздирилган вакиллари томонидан амалга оширилган.

Исён натижасида 251 нафар оддий аҳолиси ватан ҳимояси йўлида шаҳид бўлган. 2 мингдан ортиқ фуқаро яраланган.

15 июль воқеалари FETO террорчилик ташкилотининг Туркия Республикасига қаратилган буюк таҳдидини намойиш этган бўлса, иккичи томондан ушбу таҳдидга қарши мардонавор кураш турк халқининг бирдамлиги, ватан ҳимояси йўлида собитлиги, ўз юртларига бўлган муҳаббатнинг нақадар кучли эканлигини исботлаб берди.