Казан Кремле янындагы пыяла тукталышны вандаллар җимергән
Вандаллар кабат тукталышка зыян китергән. Бу юлы Батурин урамындагы Казан Кремле янындагы тукталыш павильонының пыяласын ватканнар. Җимерелгән тукталыш фотографиясен шәһәр мэриясенең Телеграм-каналына куйганнар. Бу очракта реклама баннерына язылган «Көн саен» язуы урынлы булуы турында әйтелгән.
Дуслар, безнең шәһәрнең тышкы кыяфәтенә, шул исәптә тукталышларга да вандаллар беренче тапкыр гына төзәтмә кертми. Сездән безнең яраткан Казаныбызга сак каравыгызны, әлбәттә, вандалларның җимергәнен күрсәгез хокук саклау органнарына хәбәр итүегезне сорыйбыз. Аларның гамәлләре тукталышларны гына түгел, ә безнең йөрәкне дә яралый», – диделәр мэриядә.
Батурин урамындагы тукталыштагы пыяланы беренче тапкыр гына ватмыйлар. Якын арада тукталышны төзекләндерергә планлаштыралар, диделәр администрациядә.