Полиция Казан үзәгендә кафе янында төнге низагта катнашучыларны эзли
Социаль челтәрләрдә Казанда Профсоюз урамындагы кафеларның берсендә төшерелгән видео чыкты. Видеода күренгәнчә, ике компания арасында низаг чыккан. Яшьләр үзара нәрсәдер бүлешмәгән һәм сугыша башлаганнар.
«Татар-информ»га Россия Эчке эшләр министрлыгының Казан буенча идарәсе матбугат хезмәтендә хәбәр итүләренчә, төнлә «Япеев» полиция бүлегенә Профсоюз урамындагы күңел ачу урынының берсендә яшьләр арасында низаг чыгуы турында хәбәр килгән.
«Полиция хезмәткәрләре низагта катнашучыларны тапмаган. Хәзер бу факт буенча тикшерү бара, видеоязманы өйрәнелә, низагта катнашучыларның шәхесләре ачыклана», диделәр идарәнең матбугат хезмәтендә.