Շնորհակալությունս եմ ուզում հայտնել իմ ընտանիքի ուրախությունը՝ միախառնված թախիծով, կիսելու համար. Մխիթար Գալեյանի մայրը հրապարակել է նորածնի լուսանկարը
Մխիթար Գալեյանի մայրը հրապարակել է նորածնի լուսանկարը: Հիշեցնենք, որ երեկ ծնվել է 44-օրյա պատերազմում զոհված Մխիթար Գալեյանի եղբայրը՝ Մխիթար Գալեյան կրտսերը։
Նրա մայրը՝ Աստղ Գալեյանը ֆեյսբուքյան իր էջում գրել է.
«Շնորհակալությունս եմ ուզում հայտնել բոլոր հեռու, մոտիկ, ծանոթ-անծանոթ իմ ընկերներին, հարազատներին, իմ ընտանիքի ուրախությունը միախառնված թախիծով կիսելու համար։ Շնորհակալ եմ ջերմագին խոսքերի համար։ Ստացել եմ բազմաթիվ նամակներ, որոնց դեռ չեմ պատասխանել (խնդրում եմ չջնջել), բայց հաստատ պատասխանելու եմ։ Հոգաչափ զգացված եմ»։