Халқаро шахмат федерацияси — FIDE томонидан юритиладиган жаҳон шахмат рейтингида Ўзбекистон илк бор кучли 20 таликка киришга муваффақ бўлди, дея хабар беради Ўзбекистон шахмат федерацияси. Фото: Ўзбекистон шахмат федерацияси Ўзбекистон 2022 йил июль ойи рейтингига кўра 19-ўринни эгаллади. Рейтингда АҚШ, Россия ва Хитой етакчилик қилмоқда. Германия, Испания, Польша, Англия каби мамлакатлар ҳам юқори ўринларни қайд этган. Шунга қарамай, Ўзбекистон дунё шахматида ўз ўрнига ва натижасига эга бўлган Грузия, Сербия, Эрон, Италия, Болгария, Руминия, Куба, Туркия ва Аргентина каби давлатларидан юқори ўринда бормоқда.
