აშშ-მა მოიწონა ესტონეთისთვის 500 მილიონი დოლარის ღირებულების HIMARS-ების მიყიდვა

აშშ-ის სახელმწიფო დეპარტამენტმა მოიწონა ესტონეთისთვის რეაქტიული ზალპური ცეცხლის სისტემა HIMARS-ებისა და მასთან დაკავშირებული აღჭურვილობის მიყიდვა. ამის შესახებ იტყობინება აშშ-ის სააგენტო თავდაცვისა და უსაფრთხოების სფეროში თანამშრომლობის საკითხებში. გარიგების საერთო ღირებულებას 500 მილიარდ დოლარად აფასებენ.


ცნობაში დაზუსტებულია, რომ ესტონეთმა სულ მოითხოვა ექვსამდე HIMARS-ი, 36-მდე ზალპური ცეცხლის მართული სისტემა GMLRS-ი, სარაკეტო ბლოკები და რაკეტები. როგორც აშშ-ის უწყება წერს, ეს გარიგება ხელს შეუწყობს აშშ-ის საგარეო პოლიტიკასა და ეროვნულ უსაფრთხოებას, ასევე მისი ნატოელი მოკავშირეების უსაფრთხოებას. ესტონეთი HIMARS-ების გამოყენებას აპირებს თავისი სამხედრო ძალების მოდერნიზაციისთვის, ქვეყნის თავდაცვის შესაძლებლობების გაფართოებისა და რეგიონული საფრთხეების შეკავებისთვის.


აშშ-ის რეაქტიული ზალპური ცეცხლის სისტემა HIMARS-ს 80 კილომეტრამდე მანძილზე შეუძლია სამიზნეების განადგურება.


შენიშვნა: ცნობაში გასწორდა მექანიკური შეცდომა, მასში არასწორად იყო მითითებული ესტონეთისთვის განკუთვნილი შეიარაღების ღირებულება.