Дмитрий Сотниковның «КАМАЗ-Мастер» экипажы «Ефәк юл» раллиенда җиңү яулады
Дмитрий Сотников идарәсендә «КАМАЗ-Мастер» Россия командасы экипажы бүген «Ефәк юл» ралли-рейды йөк машиналарының йомгаклау зачетын отты.
Сотников командасы 117,6 км озынлыктагы Липецк - Мәскәү финал участогын 1 сәгать 36 минут 29 секундта узды. Аның өчен ул ралли-рейдта дүртенче җиңү. Бу турыда команданың матбугат хезмәте хәбәр итә.
Йөк машиналары зачетында җиңүне пилот белән бергә штурман Руслан Әхмәдиев һәм механик Илгиз Әхмәтҗанов бәйрәм итә. Бу «Ефәк юл» кысаларында узышта катнашучы өчен – икенче тапкыр рәттән һәм карьерасында дүртенче җиңү. Бу ралли тарихында башка беркем дә отмады.
Тагын бер факт: элегрәк «Ефәк юл»да йөк машинасындагы экипаж беркайчан да автомобильләрнең абсолют зачетында җиңмәгән иде. Узыш нәтиҗәләре буенча икенче урынны Эдуард Николаев, Евгений Яковлев һәм Богдан Кәримов составындагы «КАМАЗ-Мастер» экипажы алды.
Өченче урынны Белоруссиянең Сергей Вязович идарәсендәге «МАЗ» экипажы алды. Сергей Куприянов һәм Андрей Каргиновның «КАМАЗ»лары гомуми зачетта алтынчы һәм сигезенче урынга чыкты.