Юлія Гатоўка прайграла ў кваліфікацыі турніру ВТА-250 у Гамбургу
Юлія Гатоўка (208-ы нумар рэйтынгу ВТА) прайграла ў кваліфікацыі турніру ВТА-250 у нямецкім Гамбургу. Беларуска саступіла расейцы Аксане Селехмецьевай (150 ВТА) — 7:5, 1:6, 0:6.
Найлепшы снайпер менскага “Дынама” мінулага сезона Мальце Страмваль падпісаў кантракт з “Каралінай”
Найлепшы снайпер менскага “Дынама” мінулага сезона Мальце Стремваль падпісаў кантракт з “Каралінай”. Пагадненне з 27-гадовым шведам з’яўляецца двухбаковым. У мінулым сезоне Страмваль гуляў за менскае «Дынама” і набраў 32 (19+13) ачкі ў 38 матчах рэгулярнага чэмпіянату КХЛ. Таксама на яго рахунку 4 (3+1) балы ў чатырох гульнях плэй-оф.
“Барселона” дасягнула дамоўленасці з “Баварыяй” аб пераходзе Левандоўскага
Польскі нападнік “Баварыі” Роберт Левандоўскі найбліжэйшым часам падпіша кантракт з “Барселонай”. Усе нюансы трансферу ўзгоднены клубамі. Пагадненне Левандоўскага з “Барселонай” разлічана да 2025 года, а афіцыйная аб’ява аб трансферы чакаецца ўжо ў выхадныя. “Баварыя” атрымае за пераход € 50 млн. У мінулым сезоне Роберт Левандоўскі прыняў удзел у 46 матчах “Баварыі” ва ўсіх турнірах, забіў 50 галоў (35 у Бундэслізе, 13 у Лізе чэмпіёнаў, два ў Суперкубку Германіі) і аддаў сем выніковых перадач.
Абаронца Каліду Кулібалі афіцыйна стаў футбалістам “Чэлсі”. Лонданскі клуб падпісаў кантракт з 31-гадовым сенегальцам на 4 гады. Папярэдняй камандай Кулібалі быў “Напалі”. У мінулым сезоне ён забіў 3 галы і зрабіў 3 выніковыя перадачы ў 34 матчах за клуб. “Чэлсі” заплаціць “Напалі” за Кулібалі 40 мільёнаў еўра.
Данііл Крывіцкі адправіцца на прагляд у клуб з Францыі
19-гадовы гулец футзальнага “Менска” Данііл Крывіцкі 1 жніўня адправіцца на прагляд у клуб вышэйшага дывізіёна чэмпіянату Францыі “Кінгершэйм”. Цікавасць з боку французаў да маладога беларускага гульца ўзнікла яшчэ напрыканцы мінулага сезона. Крывіцкі па выніках мінулага сезона быў прызнаны Найлепшым маладым гульцом краіны ва ўзросце да 19 гадоў. Летась за “Менск” Крывіцкі правёў 25 матчаў, у якіх забіў 6 мячоў.
Беларускае Радыё Рацыя
Фота: tennis.by