Грција – Спасени 29 луѓе од брод во неволја

Грчката крајбрежна стража денеска соопшти дека повеќе од 20 лица биле спасени од брод во неволја на околу 155 километри од југозападниот дел на грчкото копно, по што биле пренесени во градот Каламата. Во соопштението од крајбрежната стража се наведува дека во понеделник навечер биле известени за брод во неволја со 29 патници, југозападно од Пилос на Пелопонез.

Патниците на бродот, 10 мажи, една жена и 18 малолетници од Авганистан, Иран и Бангладеш, биле спасени од истражувачки брод кој плови под норвешко знаме.

Рекорден број мигранти за еден ден го преминаа Ла Манш

Двајца Иранци, кои биле на бродот, се уапсени поради сомнеж за криумчарење луѓе. Грчките власти ги апсат сите кои управуваат пловило со мигранти и ги обвинуваат за криумчарење.

Бродот испловил од турскиот брег, во близина на Измир, и веројатно тргнал кон Италија, соопшти грчката крајбрежна стража.