Bir aqşam içinde Rusiye Ukrayınağa qarşı 100 mln dollarah çoq qanatlı raketa ayttı – Forbes
Rusiye tünevin aqşam Ukrayınağa qarşı 114 million dollarlıq 8 qanatlı raketa attı.
Neşirniñ esaplarına köre, H-101 raketasınıñ fiyatı 13 mln dollar, «Kalibr» – 6,5 mln, «İskander» – 3 mln, «Oniks» – 1,25 mln, H-22 – 1 mln, «Toçka-U» – 300 biñ dollar.
Ukrayına Ava silâlı quvetleriniñ malümatına köre, avgustnıñ 2-nde Rusiye H-101 (H-555) çeşitli sekiz qanatlı raketanı Ukrayınanıñ merkeziy, cenübiy ve ğarbiy vilâyetlerine attı. Yedisi tüşürildi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kıyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.