ლაიმა ვაიკულე: სხვანაირად არ შემეძლო
0
ლეგენდარულმა ლაიმა ვაიკულემ უკრაინელ ხალხს მხარდაჭერა გამოუცხადა. გუშინ, ლატვიელმა მომღერალმა იურმალაში სოლო კონცერტი გამართა.
რაღაც მომენტში ვაიკულემ სცენა დატოვა და უკრაინის დროშით ხელში დაბრუნდა. მუსიკოს, იანის სტიბელისთან ერთად, დროშა მაყურებლის წინაშე გაშალა.
კონცერტის შემდეგ ლაიმა ვაიკულემ ასეთი კომენტარი გააკეთა: „სხვანაირად უბრალოდ არ შემეძლო“. მომღერალმა დასძინა, რომ სანამ რუსეთი უკრაინაში ხალხს ესვრის, ის იქ კონცერტებს არ გამართავს.
„ლატვიაში არ არსებობს ადამიანი, ვინც მხარს უჭერს ამ ომს. აქ ჩვენ მშვიდად ვუყურებთ ცას და ამ დროს უკრაინაში რაკეტებს უშვებენ. ამ ყველაფრის შემდეგ რუსეთში დასაბრუნებლად მზად არ ვარ. ჩვენ ყველა უნდა ვიყოთ მათ წინააღმდეგ, ვინც ეს ყველაფერი დაიწყო“, – განაცხადა ლაიმა ვაიკულემ.