Өч балалы әниләр пенсиягә иртәрәк чыгачак
Әгәр Дәүләт Думасы әлеге темага кагылышлы закон проектын хупласа, өч һәм аннан да күбрәк балалы әниләрнең 47 яшьтән үк лаеклы ялга китү ихтималы бар.
Әлбәттә, монда бер искәрмә дә кертелгән. Иртә пенсиягә чыгу өчен ана яшәгән төбәктә халыкның табигый кимүе булырга тиеш. Киресенчә, арту булган очракта күп балалы ана 53 яшьтән пенсиягә чыга алачак.