Палітвязня Мікалая Аўтуховіча змясцілі ў карцар на 7 сутак

Пра гэта паведамілі яго знаёмыя ў фэйсбуку. Прычыны спагнання невядомыя.

Як паведамлялася, 17 кастрычніка Мікалаю прысудзілі 25 гадоў калоніі. Да яго ўжо два месяцы не прыходзяць супрацоўнікі, у якіх ён можа зрабіць замову прадуктаў у турэмнай краме.

Мікалай у лістах просіць дасылаць яму замест фруктовых пюрэ — садавіну (цяпер прымаюць толькі яблыкі, грушы, лімоны, апельсіны, мандарыны). Таксама можна класці пустыя капэрты, маркі, налепкі, асадкі і паперу.

Да разгляду апеляцыйнай скаргі фігурантаў „справы Аўтуховіча” можна падтрымаць пасылкамі, нават мэдычнымі, а таксама тэлеграмамі і лістамі салідарнасці.

Адрас: Турма №1, індэкс 230023, г. Гродна, вул. Кірава, 1.

Artykuł Палітвязня Мікалая Аўтуховіча змясцілі ў карцар на 7 сутак pochodzi z serwisu БЕЛАРУСКАЕ РАДЫЁ РАЦЫЯ.