3 ადამიანი დაიღუპა პერმის დენთის ქარხანაში გაჩენილი ხანძრის შედეგად
ქარხნის მახლობლად მცხოვრებმა მოქალაქეებმა განაცხადეს, რომ ცეცხლის გაჩენას წინ უძღოდა აფეთქების ხმა. თუმცა ამ ინფორმაციას რუსეთის საგანგებო სიტუაციების სამინისტროში არ ადასტურებენ.
პერმის დენთის ქარხანა ერთ-ერთი უმსხვილესი საწარმოა რუსეთის სამხედრო მრეწველობაში. ქარხანა აწარმოებს მშრალ საწვავს „გრადის“, „სმერჩის“ და საჰაერო თავდაცვის სისტემებისათვის, ასევე დენთს მცირე ზომის ცეცხლსასროლი იარაღისთვის.