უკრაინა იუწყება რუსეთის გეგმაზე დაბლოკოს კავშირი ხერსონში

რუსეთის კონტროლს დაქვემდებარებული პირები ხერსონის ტელეცენტრში ახორციელებენ აღჭურვილობის დემონტაჟს - იუწყება ეროვნული წინააღმდეგობის ცენტრი, რომელიც უკრაინის არმიამ შექმნა რუსეთის მიერ ოკუპირებულ ტერიტორიებზე იატაკქვეშა მოქმედებების კოორდინირების მიზნით. ცენტრის მონაცემებით, ტექნიკის გამორთვის მიზანია ხერსონის საინფორმაციო იზოლაცია, რათა მაცხოვრებლებს არ ჰქონდეთ საშუალება უკრაინის შეიარაღებულ ძალებს ინფორმაცია მიაწოდონ კიევის კონტრშეტევის დროს. 


ცენტრი ადგილობრივ მცხოვრებთ მოუწოდებს ქალაქი დატოვონ და უკრაინის მიერ კონტროლირებულ ტერიტორიებზე გადავიდნენ. 


ასეთ ფონზე, რუსეთს ხერსონის მოსახლეობა მასობრივად გადაჰყავს მდინარე დნეპრის მარცხენა ნაპირზე და აცხადებს "ფრონტზე შექმნილ დაძაბულ სიტუაციაზე". 


დნეპრის გავლით გადაზიდვებზე უკრაინის ძალების დარტყმებმა მნიშვნელოვნად გაართულა მდინარის მარჯვენა ნაპირზე მყოფი რუსი სამხედროების მომარაგების პროცესი. ვარაუდობენ, რომ მათ გაუჭირდებათ პოზიციების შენარჩუნება. 


რუსეთი ბოლო ორი კვირის განმავლობაში ინტენსიურად უტევს უკრაინის ელექტროენერგიის სადგურებს, წყლის მიწოდების სისტემებს და სხვა ინფრასტრუქტურულ ობიექტებს, მძიმედ დაზიანებულია ქვეყნის ელექტროენერგიის სისტემის 40 პროცენტი - აცხადებს კიევი.