Названыя два падаткі, якія мусяць заплаціць беларусы да 15 лістапада

У Міністэрстве па падатках і зборах нагадалі, што 15 лістапада заканчваецца тэрмін выплаты маёмаснага і транспартнага падаткаў у Беларусі. Большасць беларусаў, у якіх ёсць аўтамабіль ці сваё жыллё, павінны заплаціць падаткі.

„Не пазней за 15 лістапада фізічныя асобы ў Беларусі павінны заплаціць авансавы плацёж па падатку на нерухомасць і зямельным падатку за 2022 год, а таксама ўнесці транспартны падатак за 2021 год”, – пракаментавалі ў МПЗ.

У ведамстве нагадалі, што выплачваюцца дадзеныя падаткі на падставе адзінага паведамлення, у якім адлюстраваны ўсе аб’екты маёмасці, якімі валодае фізічная асоба.

„Выплата падаткаў магчыма любым зручным для плацельшчыка спосабам, у тым ліку праз сістэму ЕРІП”, – заўважылі ў міністэрстве.

Artykuł Названыя два падаткі, якія мусяць заплаціць беларусы да 15 лістапада pochodzi z serwisu БЕЛАРУСКАЕ РАДЫЁ РАЦЫЯ.