Лениногорскилылар Кудо буенча Ачык Чемпионатта призлы урыннар яулады

Лениногорскиның “Яшьлек” спорткомплексында 17 – 18 октябрь көннәрендә Кудо буенча республика Беренчелеге һәм Ачык Чемпионат үтте. Шулай ук, шәһәр мэры Кубогына Кудо буенча балалар фестивале дә узды. 

---

Анда Лениногорск, Әлмәт, Түбән Кама, Казан, Мәскәү һәм башка шәһәрдән килгән спортсменнар катнашты. 

 

Олы яшьтәге егетләр арасыннан Лениногорск спортсменнары – Рамил Газизов һәм Руслан Лущиков I урын, Булат Хәйруллин һәм Илшат Талипов – II урын, Азат Абдуллин III урынга лаек була.   

Кудо буенча балалар арасында лениногорскилылардан I урынны Роман Вахрушев, А.Юнусов, В.Кошкин, II урынны Р.Юрин, III урынны Б.Хаев яулый. 

Команда ярышында Лениногорск шәһәре командасы лаеклы II урынны ала. 

 

Мәгълүмат һәм фотолар https://vk.com/gorod_leninogorsk сайтыннан алынды