У Польшчы аддаюць даніну памяці героям Студзеньскага паўстання

Дэбаты, канферэнцыі, канцэрты, выставы, публікацыі, выпуск памятных манет — гэта толькі частка ініцыятыў, звязаных са святкаваннем 160 гадавіны Студзеньскага паўстання 1863-1864 гадоў у Польшчы. Падзеі, прысвечаныя найбуйнейшаму паўстанню ХІХ стагоддзя — гэта даніна памяці загінуўшым за іх патрыятызм, гераізм і непахіснасць.

Большасць ініцыятыў, прысвечаных памяці і ўшанаванню памяці загінулых, з’яўляюцца цэнтральнымі, але частка арганізоўваецца мясцовымі ўладамі і няўрадавымі арганізыцыямі, паведамляе reform.by.

У Нацыянальным тэатры плануецца музычны спектакль, створаны пры супрацоўніцтве незалежнага бюро і Музея польскай гісторыі. Канцэрт, прысвечаны святкаванню 160 юбілею паўстання будзе транслявацца з Нацыянальнага тэатра ў эфір тэлеканала «Гісторыя» увечары 22 студзеня.

Інстытут нацыянальнай памяці 20 студзеня ініцыяваў упрыгажэнне магіл ветэранаў паўстання 1863 года ў Любліне, на іх запалілі свечкі.

У Гданьску 22 студзеня адбудзецца прэзентацыя ў сацыяльных сетках сілуэтаў студзеньскіх паўстанцаў, надмагіллі якіх былі ўнесены ў запісы магіл ветэранаў польскай барацьбы за свабоду і незалежнасць.

У Лодзі ў той жа дзень адбудзецца імша ў памяць паўстанцаў у царкве Успення Прасвятой Багародзіцы і юбілейныя ўрачыстасці на старых могілках.

24-25 студзеня 2023 года ў Кельцах пройдуць лекцыі для моладзі і дарослых, прэзентацыя калекцыйных манет і выстава, прысвечаная студзеньскаму паўстанню ў адукацыйным цэнтры.

Музей Незалежнасці ў Варшаве ладзіць вялікую колькасць мерапрыемстваў, прысвечаных 160-й гадавіне паўстання.

У Польшчы 2023 год абвешчаны годам Студзенскага паўстання.

Artykuł У Польшчы аддаюць даніну памяці героям Студзеньскага паўстання pochodzi z serwisu БЕЛАРУСКАЕ РАДЫЁ РАЦЫЯ.