Тиздән көзге каникуллар
2 ноябрьдән мәктәп укучыларының көзге каникуллары башлана. Каникуллар 8 ноябрьгә кадәр дәвам итәчәк. Атна дәвамында мәдәният, спорт учреждениеләрендә балалар өчен төрле кызыклы чаралар оештырыла, һәр урында аларның ялын файдалы үткәрү мөмкинлеге тудырыла.
Балалары белән бергә әти-әниләр дә ял итә алачак – 4 һәм 6 ноябрь республикада эшләми торган ял көннәре буларак игълан ителде. Аерым алганда, 4 ноябрьдә Россиядә Халыклар бердәмлеге көне бәйрәм ителә, 6 ноябрьдә – Татарстан Конституциясе көне.