АҚТӨБЕ. ҚазАқпарат – Ақтөбелік шебер Күләш Құлекенова 70 жастан асқан шағында жастарға қазақтың салт-дәстүрін үйретіп, ұмыт болған ұлттық өнерді қайта жаңғыртып жүр. Өзі қыз жасауын дайындайды, ондағы әр оюдың мән-маңызын түсіндіреді. Қазір балаларға ұлттық өнерді үйретіп, телефонға телмірген уақытын тиімді жұмсауға бағыттауымыз керек деп жиі айтады, деп хабарлайды ҚазАқпарат тілшісі.
