Россиядә 2024 елда минималь хезмәт хакын 18 процентка индексацияләргә җыеналар

2024 елның 1 гыйнварыннан хезмәт өчен түләүнең минималь күләме (МРОТ) күрсәткечен 18,5 процентка индексациялиләр. Бу хакта РИА Новости Россия Премьер-министры Михаил Мишустинга сылтама белән хәбәр итә.

«Агымдагы елга бишенче бурыч - гражданнарның тормыш дәрәҗәсен күтәрү. Шул исәптән, минималь хезмәт хакы күләмен инфляциядән югарырак итеп эзлекле рәвештә арттырырга җыеналар. Президент кушуы буенча минималь хезмәт хакы күләмен киләсе елның 1 гыйнварыннан 18,5 процента индексациялибез», - диде ул Дәүләт Думасында Министрлар Кабинеты эше турында еллык хисап белән чыгыш ясаганда.

Росстат мәгълүматлары буенча, 2022 елда илдә уртача еллык инфляция 13,75 процент тәшкил итте.

Быелның 1 гыйнварыннан минималь хезмәт хакы күләме 6,3 процентка, ягъни 16 242 сумга кадәр артты. Моннан тыш, 2023-2024 елларга күрсәткеч уртача айлык хезмәт хакы күләменнән читләштерелде. Бу чорда минималь хезмәт хакы тизләтелгән тәртиптә арттырыла.

Узган ел бу күрсәткечне ике тапкыр арттырдылар.