Դավիթ Տոնոյանի առաջարկն ինչո՞ւ չընդունեցինք, որովհետև առաջարկում էր լրիվ այլ ձևաչափ․ Քոչարյանը նաև խոսեց քննիչ հանձնաժողովի նիստում Փաշինյանի ելույթի ձևաչափի մասին
Դավիթ Տոնոյանի առաջարկն ինչո՞ւ չընդունեցինք, ոորվհետև առաջարկում էր լրիվ այլ ձևաչափ․ քննիչ հանձնաժողովն օգտագործել Նիկոլ Փաշինյանի հետ բանավիճելու համար։ Այս մասին «Լուրերին» տված հարցազրույցում ասաց ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ խոսելով 44-օրյա պատերազմի հանգամանքները քննող հանձնաժողովի աշխատանքի ձևաչափի մասին։
«Քննիչ հանձնաժողովը բանավիճելու միջավայր չէ։ Քննիչ հանձնաժողովը նաև լուրջ սահմանադրական իրավասությամբ օժտված հարթակ է»,- նշեց Քոչարյանը։
Նիկոլ Փաշինյանի ելույթը հանձնաժողովում, որի նիստերը մշտապես փակ են եղել, իր այցելության ժամանակ բաց է եղել։
Պատգամավորն ասաց, որ վարչապետ Փաշինյանի համար ձևաչափ չեն փոխել։ «Պարզապես վարչապետի հետ քննարկման արդյունքում մենք գտել ենք, որ այս գործիքակազմը նույնպես պետք է օգտագործել»,- հավելեց Քոչարյանը։
Ինչ վերաբերում է մյուսների ելույթների բաց լինելու հնարավորությանը, ապա Քոչարյանն ասաց․ «Մենք որոշում ենք գաղտնիության ինչ ծավալ կա ներկայացված նյութի մեջ»։
«Պարոն Փաշինյանի երեկվա ներկայացվածի մեջ․․․ ինքն է որոշել՝ գաղտնիության որևէ տիրույթ գոյություն ունի, թե չէ»։