Բայրամովը Մակեդոնիայի ԱԳ նախարարի հետ քննարկել է Հայաստանի հետ խաղաղության գործընթացի ներկա վիճակը
2023 թվականի հունիսի 21-ին Ադրբեջանի Հանրապետության արտաքին գործերի նախարար Ջեյհուն Բայրամովը հանդիպել է Հյուսիսային Մակեդոնիայի արտաքին գործերի նախարար և ԵԱՀԿ գործող նախագահ Բույար Օսմանիի հետ։
Հանդիպման ընթացքում քննարկվել են Ադրբեջանի և Հյուսիսային Մակեդոնիայի միջև երկկողմ հարաբերությունների, ԵԱՀԿ օրակարգի հարցեր, Հայաստանի հետ խաղաղության գործընթացի ներկա վիճակը։
Հանդիպմանը «երկու երկրների միջև հարաբերությունների զարգացման համար երկուստեք կարևորվել է փոխայցելությունները և տարբեր մակարդակներով երկկողմ հանդիպումները»։
Հանդիպման ընթացքում տեղեկատվություն է տրվել «նաև անցյալ հակամարտության հետևանքների հաղթահարմանն ուղղված Ադրբեջանի ջանքերի, հետհակամարտային վերականգնման, վերակառուցման ու վերաինտեգրման առաջնահերթությունների մասին» (չակերտները Tert.am-ի)։
Հանդիպմանը մտքեր են փոխանակվել նաև փոխադարձ հետաքրքրություն ներկայացնող այլ հարցերի շուրջ։